આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.
જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)
મહેશ રાવલ (ડો.)
- Details
- Written by ડો. મહેશ રાવલ
- Parent Category: કવિતા
- Category: મુશાયરો
જીવન ભરના સપનાં, અમલમાં મૂકી દઉં!
ને સંઘરેલી ઈચ્છા, ગઝલમાં મૂકી દઉં!
~~ :: ~~
માણસ, અમસ્તો કોઈને નમતો નથી કારણ વગર
ઈશ્વર તરફ ઢળવાનું કારણ ખાસ હોવું જોઈએ.!
~~ :: ~~
રુઝાવા જ દેતું નથી કોઈ ઝખ્મો
નહીંતર, દવાની મને પણ ખબર છે.!
~~ :તાજા ગઝલ: ~~
તફાવત બની શકે...!
એકાદ અણબનાવ તફાવત બની શકે
સંબંધમાં, પ્રભાવ તફાવત બની શકે
પ્રારબ્ધ હોય તોય પુરૂષાર્થ જોઇએ
પણ, ધૈર્યનો અભાવ તફાવત બની શકે
ભયમુક્ત જિંદગી જ ઠરીઠામ થઇ શકે
થોડોક પણ તનાવ તફાવત બની શકે
અમથી ય ઓળખાણ કરે પક્ષપાત,પણ
સંદિગ્ધ રખરખાવ તફાવત બની શકે !
ઉઘડે પછી જ અર્થ સમજવો સરળ બને
અકબંધ મૌન સાવ, તફાવત બની શકે
ઔચિત્યપૂર્ણ હોય એની વાત ઓર છે
અણછાજતો લગાવ તફાવત બની શકે
મળતાવડાપણું જ વધાવાય છે "મહેશ"
બાકી બધા સ્વભાવ તફાવત બની શકે !
ડૉ.મહેશ રાવલ
પ્રકાશક:
ભાવિન એમ. રાવલ
“જયોતિ”
4, હસનવાડી
રાજકોટ – 360 002
ફોન: (0281) 2362971
મોબઈલ:98244 81586
https://www.facebook.com/drmaheshrawal?fref=ts
...
Read more...