Print
Parent Category: કવિતા
Category: મુશાયરો
Star InactiveStar InactiveStar InactiveStar InactiveStar Inactive
 



ટેક ન મેલે રે, મરદ ખરા જગ માંહી,
ત્રિવિધ તાપે રે, કદી અંતર ડોલે નાહીં.
નિધડક વરતે રે, કદી અંતર દોલે નાહીં,
કાળ કમૅની રે, શંકા દેવે વિસારી.
મોડું વહેલું રે, નિશ્ર્ચે કરી એક દિન મરવું
જગ સુખ સારુ રે, કદી કાયર મન નવ કરવું
અંતર પાડી રે, સમજી ને સવળી આંટી,
માથું જાતાં રે, મેલે નહિ તે નર માટી.
કોઇની શંકા રે, મનમાં નવ ધારે,
બ્રહમાનંદના રે, વહાલાને પળ ન વિસારે.


...