Print
Parent Category: યાયાવર
Category: સપ્ટેમ્બર 2010
Star InactiveStar InactiveStar InactiveStar InactiveStar Inactive
 












દિવસ પુરો થયો ને રાત થઈ, સારું થયું;
ઉજાગર આપમેળે જાત થઈ, સારું થયું!


અલગ અંધારની રજુઆત થઈ, સારું થયું;
ઉજાલાની પછી શરુઆત થઈ, સારું થયું!

સમય પાજી હતો ને છે, ના એ ઉભો રહ્યો;
અછડતી તોય મુલાકાત થઈ, સારું થયું!

જતનથી જાળવેલું મૌન તુટ્યું,
પણ પછી કોઈ સાથે જરા બે વાત થઈ, સારું થયું!

ન કેવળ સુખ, બલ્કે દુ:ખ પણ સાથે વણ્યું;
અનોખી જિંદગીમાં ભાત થઈ, સારું થયું!

ગઝલનો માગૅ પણ તારા સુઘી પ્હોંચે “સુધીર”,
હકીકત આજ અમને જ્ઞાત થઈ, સારું થયું!