Print
Parent Category: યાયાવર
Category: ઓગસ્ટ - 2013
Star InactiveStar InactiveStar InactiveStar InactiveStar Inactive
 

હિસાબો કર બધા સરભર, તુ મારા સંગ પલાંઠીને,
પૂરો ખાલી થયેલો છું, બધું તુજ પર લુંટાવીને.

હતા એ સૌ ધરી દીધા, મુહોબ્બતના પૂરાવાઓ,
હવે તુ કેમ અકળાવે?, વધુ આધાર માંગીને.

કે આંખો બંધ રાખી ભૈ, કદી ના પ્રેમમાં પડશો,
થયો છું જર્જરીત હું આંધળો વિશ્વાસ રાખીને.


આ જીવન એકતરફી પ્રેમમાં કેવું ગળાડૂબ છે!!!,
હું જીવિત છું હજીએ પણ, પળેપળ શ્વાસ ત્યાગીને.

અહમની બેડીઓ તોડી, ઉઘાડો દ્વાર વાસેલા,
ઉપેક્ષિત આંખ થાકી છે, તિરાડોમાંથી ઝાંખીને.

-મુબારક ઘોડીવાલા ‘દર્દ ટંકારવી’

# છંદ=હજઝ ૨૮
લગાગાગા