Print
Parent Category: યાયાવર
Category: ડિસેમ્બર 2012
Star InactiveStar InactiveStar InactiveStar InactiveStar Inactive
 

સુખ તો ઉછાંછળું નિતાંત મળ્યું,
ભાગ્યમાં દુ:ખ પીઢ ને શાંત મળ્યું,

કોરી ધાકોડ રહી આંખ અને --,
ભીતરે જીવતરનું એકાંત મળ્યું,

ક્ષણ બે ક્ષણનો જ હતો સાથ છતાં,
જીવવાનું બળ આમરણાંત મળ્યું,

સેંકડો સગપણો ફંફોસ્યા પછી,
ખાલી ગજવાં સમું એકાંત મળ્યું,

શુષ્કતાથી હતો નાતો, વળી ત્યાં –
આ રખોપું રણનું ઉપરાંત મળ્યું,

કિંજલ્ક વૈદ્ય