Print
Parent Category: યાયાવર
Category: ડિસેમ્બર 2012
Star InactiveStar InactiveStar InactiveStar InactiveStar Inactive
 

ધબકારા છે ઉપ્પર - ઉપ્પર,
ભીતર ભીતર પથ્થર- પથ્થર !

ઉજળાં તન ને ઉજળાં વસ્તર,
મન તો કાળું ભમ્મર - ભમ્મર !

ભેટી પડવા તત્પર- તત્પર,
હાથે - હાથે ખંજર - ખંજર !

હણહણવાંની રમત્યું રમતાં,
મ્હોરા પ્હેરી ખચ્ચર - ખચ્ચર !

ખોટી વાત્યું બોદી બોલે,
સાચો પડઘો નક્કર- નક્કર !

દીધેલું જ મળે છે પાછું ,
ધરતી ફરતી ચક્કર - ચક્કર !

ટીપું ઝેર નિહાળી શોધે ,
ક્યાં છે ? ક્યાં છે ? શંકર - શંકર ?
- મેહુલ એ ભટ્ટ , આદિપૂર