Print
Parent Category: યાયાવર
Category: ઓક્ટોબર-2012
Star InactiveStar InactiveStar InactiveStar InactiveStar Inactive
 

ધીરે રહી, છોડી બધું, તું નીકળી જા બેફિકર
છે પોટલું, તારું જુનું, તું નીકળી જા બેફિકર

કોઈ નિયમ મોટા નથી, ને આપણે ઓછા નથી
સમજ્યા હવે!, ખોટું ખરું, તું નીકળી જા બેફિકર

પૂછ્યા વગર, બોલ્યા વગર, જાણી કરી રોયા વગર
જ્યાં જેટલું ઓછું થયું, તું નીકળી જા બેફિકર

પગલાં, સગડ કોના મળે, ખાલી બધા ફોફા જડે
આ કામની વાતો કહું, તું નીકળી જા બેફિકર

અંતર મહીં જે નાદ છે, ઝાઝી તને ક્યાં ભાન છે
એ સાંભળી થોડું ઘણું, તું નીકળી જા બેફિકર...............ચિરાગ ઝા “ઝાઝી”

(છંદ : ગાગાલગા ગાગાલગા ગાગાલગા ગાગાલગા – રજઝ)