Print
Parent Category: યાયાવર
Category: સપ્ટેમ્બર 2012
Star InactiveStar InactiveStar InactiveStar InactiveStar Inactive
 

ઊગી ગયું છે હાથમાં તે ઘાસ છે
ઝાંખી થયેલી મેંદીનો ઈતિહાસ છે.

સૂના પડ્યા છે ટેરવે વસતા નગર
લકવો પડેલા સ્પર્શ તો ચોપાસ છે.

ભગવી ધજાને ફરફરાવે એ રીતે
જાણે પવન પણ લઇ રહ્યો સંન્યાસ છે.

ઈશ્વર, તને જોયા પછી સમજાયું છે
બંને તરફ સરખો વિરોધાભાસ છે.

પાંખો મળી પણ જાત માણસની મળી
'આકાશ'માં પણ ધરતીનો સહવાસ છે.

...આકાશ ઠક્કર , કોલંબસ, ઓહાયો