Print
Parent Category: યાયાવર
Category: ફેબ્રુઆરી-2012
Star InactiveStar InactiveStar InactiveStar InactiveStar Inactive
 

મળ્યો'તો તું મને મારા શમણે કોણ માનશે ?
ધર્યું’તું મેં તનમન તારા ચરણે કોણ માનશે ?

મળ્યો'તો રામ રૂપે તું શબરી ને એના આંગણે,
ને આજ મારા રૂદિયાને પ્રાંગણે કોણ માનશે..??

 

પ્રેમ નાં પુષ્પો ખીલવ્યા હતા હ્રદય ઉપવને
રમ્યો'તો સંગે રાસ મારા આંગણે કોણ માનશે ?

પૂનમની અજવાળી રાતે ખેલી'તી તુજ સંગ હોળી
એકમેક નાં રંગે રંગાયા'તા આપણે કોણ માનશે ?

શમણે જોવે છે તારી પ્રેમભરી યાદો ને "સુનિતા"
રાખી છે એ યાદો સજાવી થાપણે કોણ માનશે ..??

સુનિતા દિક્ષિત , સૂરત , ગુજરાત