આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.
જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)
- You are here:
-
ઘર
-
કવિતા
-
જાન્યુઆરી 2012
- ડાબલા હટાવી
ડાબલા હટાવી
- Details
- Written by પંચમ શુક્લ
- Parent Category: યાયાવર
- Category: જાન્યુઆરી 2012
રીત કે રસમ ન ટકે ખાલી રોકટોકથી,
ને રિવાજ પણ ન તૂટે માત્ર તોડફોડથી.
થાય છે બધા જ વ્યથિત ક્ષુદ્ર રોગદોગથી,
મુક્ત પણ થઈ ન શકે વ્યર્થ રોણજોણથી.
સંત્રી, મંત્રી, સાધુ, ફકીર સૌ તુલા ઉપર ચડે,
પર સદાવ્રતોય નથી સ્થૂળ મોલતોલથી.
સામ, દામ, દંડ કશું કારગર ન નીવડે,
કામ-કાજ કાઢી જ સૌ લે છે ઓટકોટથી.
સેળભેળ કેવી રગેરગમાં ઓગળી ગઈ,
દી'એ દાળભાતથી ને રાતે હોચપોચથી.
ડાબલા હટાવી કદી આજુબાજુ પણ જુઓ,
થઈ ન જાવ ગાડરિયા જોજો! ઓતપ્રોતથી!
લંડન , યુ.કે
૨૫-૧૨-૨૦૧૧
Comments
ને રિવાજ પણ ન તૂટે માત્ર તોડફોડથી..
very nice one Shukla.