Print
Parent Category: યાયાવર
Category: ફેબ્રુઆરી 2011
Star InactiveStar InactiveStar InactiveStar InactiveStar Inactive
 

અશ્રુઓના તોરણો બંધાય તો.
યાદના જો મોતીઓ સર્જાય તો.

કોણ એના રંગથી રીઝશે ભલા,
ફૂલથી જો ફોરમો લોપાય તો

સ્નેહના આ વાદળો ક્યાંથી બને,
દિલ તણા જો સાગરો સુકાય તો.

મયકદામા રણ બધા જાશે વસી,
શરબતી એ આંખડી છલકાય તો.

એ અદાઓ પણ નિરર્થક થૈ જશે,
સાદગીમાં દીલકશી મ્હેકાય તો.

રાતડી ની આંખ અશ્રુ સારશે,
ઝુલ્ફ રેશમ ની ઘટા વિખરાય તો.

ભેદ સર્જન નો’વફા’તુ પુછજે,
જો કદી એનું મિલન થૈ જાયતો

ઓન્ટોરીઓ , કેનેડા