વિભાગ

સુચના

આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.

જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)

અતિથી દેવો ભવ:

We have 130 guests and no members online

મદદ

 


 



રમુજ

મગન :આજે કઇ તારીખ છે, છગન?

છગન :મને ખબર નથી દોસ્ત.

મગન :પણ તારા હાથમાં અખબાર છે. એમાં જોઈને કહે ને કે કઈ તારીખ છે?

છગન :અખબાર તો છે પણ આજનું નથી. એ તો ગઈકાલનું છે.

ધમૅવિચાર

Star InactiveStar InactiveStar InactiveStar InactiveStar Inactive



ૐ જય લક્ષ્મી માતા મૈયા જય લક્ષ્મી માતા !
તુમકો નિસદિન સેવત (૨) હર વિષ્ણુ ધાતા !!

ૐ જય લક્ષ્મી માતા

ઉમા રમા બ્રાણી તુમ હી જગમાતા (૨)
સૂર્ય ચંદ્ભમાં દયાવત (૨) નારદ ૠષિ ગાતા

ૐ જય લક્ષ્મી માતા

દુર્ગારૂપ નિરંજનિ, સુખ સમ્પતિ દાતા (૨)
જો કોઈ તુમકો દયાવત (૨) રિદ્ધિ સિદ્ધિ ધનપાતા !!

ૐ જય લક્ષ્મી માતા

તુમ પાતાલ નિવાસિની તુમ હી શુભદાતા (૨)
કર્મ પ્રભાવ પ્રકાશિની (૨) ભયનિધી કિત્રાતા !!

ૐ જય લક્ષ્મી માતા

જિસ ઘર તુમ રહતી તર્હ સબ સદગુણ આતા (૨)
સબ સંભવ હો જાતા, મન નહીં ધબરાતા

ૐ જય લક્ષ્મી માતા

તુમ બીન યક્ષ ન હોતે, વસ્તર ન હો રાતા (૨)
ખાન પાન કા વૈભવ (૨) સબ તુમસે આતા

ૐ જય લક્ષ્મી માતા

શુભ ગુણ મંદિર સુન્દર ક્ષીરોદધિ જાતા (૨)
રત ચતુર્દશ તુમ બિન (૨) કોઈ નહીં પાતા !!

મહાલક્ષ્મીજી કી આરતી જો કોઈ નર ગાવે (૨)
ઉર આનંદ સમાતા (૨) પાપ ઉતર જાતા

ૐ જય લક્ષ્મી માતા

Star InactiveStar InactiveStar InactiveStar InactiveStar Inactive



પોતાના પ્રિય ભકતના રક્ષણ કાજે પ્રગટેલ ભગવાન શંકર અહીં જયોર્તિલિંગ રૂપે સ્થિત થયા છે. હજારો વર્ષ પૂર્વે ડાકિની પર્વત પર જંગલમાં કર્કટી નામની રાક્ષસી એકલી રહેતી હતી. કારણ કે તેના રાક્ષસ પતિ વિરાધને ભગવાન રામે મારી નાંખ્યો હતો. એક દિવસ રાવણનો નાનો ભાઈ કુંભકર્ણ તેની ઈચ્છા વિરુદ્ધ રહ્યો. પરિણામે ભીમાસુર નામના રાક્ષસપુત્રનો જન્મ થયો. મોટા થયા પછી ભીમાસુરને જયારે ખબર પડી કે તેના બંને પિતાને ભગવાન રામે મારી નાંખેલા ત્યારે તે અત્યંત ક્રોધિત થયો અને રામચંદ્ભજી ભગવાન વિષ્ણુના માનવ અવતાર હોવાથી જેનાથી પ્રસન્ન થઈને બ્રહ્માજીએ અતુલ બળનું વરદાન આપ્યું.

વરદાનના સહારે કામરૂ દેશના મહાપ્રતાપી રાજા સુદક્ષિણને ભીમાસુરે જીતીને ડાકિનીવમાં કેદ કરીને રાખ્યો એકાંતવાસ દરમ્યાન રાજાએ ભગવાન શંકરનું પાર્થિવ લિંગ બનાવ્યું અને તેનું પૂજન કરવા લાગ્યો. ભીમાસુર અને અન્ય રાક્ષસોના ત્રાસથી વ્યાકૂળ બનીને સમગ્ર દેવગણ તથા ૠષિઓ ભગવાન શંકરને શરણે ગયા. ત્યારે મહાદેવજીએ કહ્યું કે "રાજા સુદક્ષિણને કહેજો કે મારૂં ભજન ખુબ કરે જેથી તમારૂં કાર્ય જલદી થશે અને દુષ્ટ ભીમાસૂરનો હું નાશ કરીશ." રાજા સુદક્ષિણને આ વાત બધાએ જણાવતા તેણે ખૂબ ભકિતભાવથી પુજન શરૂ કર્યું. ભીમાસુરને આ વાતની ખબર પડતાં તે ખુલ્લી તલવાર લઈને ધસી આવ્યો. ત્યારે ભકતના રક્ષણ માટે પાર્થિવ શિવલિંગમાંથી શંકરજી પ્રગટ થયા અને ભીષણ યુદ્ધને અંતે મહાદેવજીએ પોતાનું ત્રીજું લોચન ખોલીને ભીમાસૂર ઉપરાંત અન્ય રાક્ષસોને બાળીને ભસ્મ કરી નાંખ્યા. ત્યારબાદ મહારાજા સૂદક્ષિણની પ્રાર્થનાથી પ્રસન્ન થઈને કૈલાસ પતિ અહીં જયોર્તિલિંગ રૂપે સ્થિત થયા. આમ આ જયોર્તિલિંગ "ભીમશંકર"ના નામથી પૂજાય છે.

ભીમશંકર મહાદેવનું જયોર્તિલિંગ મહારાષ્ટ્રમાં મુંબઈથી ૨૬૫ કિ.મી. પૂર્વમાં તથા પૂનાથી ૯૫ કિ.મી. વાયવ્ય ખુણામાં સહાદ્ભિ પર્વતમાળાના નયનરમ્ય પ્રદેશમાં આવેલ છે. પૂનાથી ભીમશંકર મોટર રસ્તે ૧૨૮ કી.મી. દૂર છે. ૪૨ કિ.મી. બાદ રાજગુરુનગરથી પહાડી વિસ્તાર શરૂ થાય છે. બસ સ્ટેન્ડથી સાંકડા રસ્તે ચાલતા એક દેવીમંદિર આવે છે અને અહીંથી સો દોઢસો પગથિયા ઉતર્યા બાદ મંદિરનું સિંહદ્વાર દેખાય છે આ મંદિર ગીચ જંગલની વચ્ચે આવેલું છે.
આ પ્રાચીન મંદિરની વિશિષ્ટતા એ છે કે અહીં સિંહદ્વારમાં દાખલ થતાં મંદિરની પીઠ પ્રથમ દેખાય છે. સામાન્યત સિંહદ્વાર મંદિરના ગર્ભગૃહની સન્મુખ હોય છે. મંદિરની આગળના ભાગમાં આવેલ નૃત્ય મંડપની સમીપ જ ચાંદી મઢેલા કમાડવાળું ગર્ભગૃહ છે. જેમાં ભીમશંકર મહાદેવનું ખરબચડા કાળમીંઢ પથ્થરનું એકાદ ફૂટ ઊંચું જયોર્તિલિંગ વિશાળ થાળામાં બિરાજમાન છે. અને તેની ઉપર વિશાળ જળાધારી લટકાવવામાં આવેલ છે. ગર્ભગૃહ ઘણું સાંકડું અને અંધારિયું છે. મંદિરની સામે ખુલ્લા પટાંગણમાં પથ્થરની બાંધેલી વિશાળ દીપમાળા છે.

આ વિસ્તારમાં ભગવાન શંકરે બાળી નાંખેલા રાક્ષસો ભૂત પ્રેત બનીને ભટકયા કરે છે અને બિલ્વનાં વૃક્ષના મૂળીયા ખાઈ જાય છે. તેથી અહીં બિલીપત્ર ઊગતા જ નથી. આથી ભીમશંકર જયોર્તિલિંગ પર બિલ્લપત્ર ચડતાં નથી. આ પવિત્ર સ્થળની બાજુમાં જ પ્રખ્યાત ભીમા નદીનું ઉદ્ગમ સ્થાન છે.

Star InactiveStar InactiveStar InactiveStar InactiveStar Inactive


હિમાલયના હિમાચ્છાદિત પર્વતની તળેટીમાં ૧૧૭૫૦ ફૂટની ઉંચાઈએ કેદારનાથ મહાદેવનું જયોર્તિલિંગ બિરાજમાન છે. સૃષ્ટિની ઉત્પત્તિ વખતે શ્રી વિષ્ણુના બે અવતાર નર અને નારાયણ પાર્થિવ શિવલિંગનું અહીં સ્થાપન કરીને તપ કરી રહ્યાં હતાં. પૂજન વખતે શિવજી પોતે આ પાર્થિવ શિવલિંગમાં પધારતા. આ કઠિન તપથી પ્રસન્ન થઈને કૈલાસપતિએ દર્શન આપ્યાં અને વરદાન માંગવા કહ્યું ત્યારે આ બંને તપસ્વીઓએ કરેલી પ્રાર્થનાથી આશુતોષ જયોતિર્લિંગ સ્વરૂપે અહીં સ્થિત થયા.

પાંડવો હેમાળો ગાળવા આ ક્ષેત્રમાં આવ્યા ત્યારે કેદારનાથ જયોર્તિલિંગના દર્શન કરવા પાંડવો જતા હતા. પરંતુ પ્રાયશ્ચિત કર્યા વિના મોક્ષ મેળવે તે શિવજીને મંજુર ન હોવાથી, શિવજી પાડાનું રૂપ ધારણ કરી પાંડવોની આડે આવ્યા. જયારે ભીમે પાડાનો વધ કરવા કોશિશ કરી ત્યારે પાડામાં વસેલા ભગવાન શંકરે તેમને પ્રાયશ્ચિત કરવાનું જણાવી શિવલિંગ રૂપે સ્થિત કરી. જે ‘કેદારનાથ’ કહેવાય છે.

ઉત્તરપ્રદેશમાં હરદ્વાર અથવા હરિદ્વાર નામનું રેલ્વે સ્ટેશન આવેલ છે. હરદ્વાર તેમજ ત્યાંથી ૨૪ કિ.મી. દૂર આવેલ ૠષિકેશમાં ગંગા-કિનારે ૠષિ-મુનિઓના અનેક આશ્રમો તથા અસંખ્ય મંદિરો આવેલ છે. અને એ બંને ભારતના અગ્રિમ તીર્થસ્થાનો ગણાય છે અને અહીંથી જ હિમાલયનો પહાડી વિસ્તાર શરૂ થાય છે. આ બંને સ્થળેથી ઉત્તરાખંડની યાત્રાએ જવા માટે અનેક બસ-સેવા ઉપલબ્ધ છે. બદરીનાથ, કેદારનાથ, ગંગોત્રી અને યમનોત્રી એ ઉત્તરાખંડની યાત્રાના ચાર મુખ્ય ધામો છે. હરદ્વારથી કેદારનાથ ૨૫૬ કિ.મી. અને બદરીનાથ ૩૨૨ કિ.મી. છે. રૂદ્ભપ્રયાગ આગળ રસ્તાના બે ફાટા પડે છે. એક રસ્તો બદરીનાથ જાય છે. જયારે બીજો રસ્તો કેદારનાથ જાય છે. આ આખા રસ્તે એક બાજુએ ઊંડી ખીણમાં સર્પાકારે વહેતી ગંગાનદી જોવા મળે છે. અને બીજી બાજુ પર્વતોની હારમાળામાંથી કોતરવામાં આવેલ વાકાંચૂકા રસ્તા પરથી પ્રાકૃતિક સૌંદર્યનો આસ્વાદ માણતાં માણતાં જવાય છે. રૂદ્ભપ્રયાગથી કેદારનાથ જતાં રસ્તામાં ગૌરીકુંડ આવે છે. અને બસ અહીં સુધી જ જઈ શકે છે. ગૌરીકુંડ ૬૦૦૦ ફૂટની ઊંચાઈએ છે. અહીં પાર્વતીજીનો જન્મ થયો હતો. એ સ્થળે ગૌરીકુંડ નામનો ગરમ પાણીનો કુંડ છે. જેમાં પાર્વતીજીએ પ્રથમ સ્નાન કર્યુ હતું. બાજુમાં જ વહેતી મંદાકિની નદીનો ગુંજારવ મનને ભરી દે છે.

ગૌરીકુંડથી કેદારનાથનો રસ્તો સાંકડી કેડીનો બનેલો છે. આ રસ્તે યાત્રિકો ઘોડા, ડોળી કે કંડી મારફત અથવા તો પગે ચાલીને જઈ શકે છે. ૧૫ કિ.મી.ના આકરા ચઢાણવાળા રસ્તે અનુક્રમે જંગલચટ્ટી, રામવાઠા, ધનુર્પાણી, ચટ્ટી અને ગરુડપટ્ટી પસાર કરીને છેવટે કેદારનાથ પહોંચાય છે. આ આખો રસ્તો લીલીછમ વનરાજીથી છવાયેલો છે. ગગનચુંબી પહાડો પરથી અનેક નાના મોટા ઝરણાં ધોધ રૂપે વહીને ખીણમાં વહેતી મંદાકિની નદીમાં પડે છે. જે અદ્ભૂત રસલ્હાણ કરાવે છે.

હિમારછાહિત સુમેરૂ પર્વતની તળેટીમાં કેદારનાથ મહાદેવનું મંદિર દસેક ફૂટ ઊંચા ઓટલા પર બાંધવામાં આવેલ છે. પહાડી શૈલીથી બંધાયેલું આ મંદિર ૩૫ ફૂટ પહોળું, ૬૦ ફૂટ લાંબુ અને ૮૦ ફૂટ ઊંચુ છે. પ્રાંગણમાં આવેલ નદીની વિશાળ મૂર્તિની સન્મુખ આવેલ સિંહદ્વારમાં પ્રવેશતાં, મંદિરની અંદર શિવ-પાર્વતી, ઉષા અનિરૂદ્ધ, પાંચ પાંડવો અને શ્રી કૃષ્ણની મૂર્તિઓ છે. ગર્ભગૃહમાં બિરાજતું જયોર્તિલિંગ પરંપરાગત આકારને બદલે પર્વત જેવા ત્રિકોણાકાર આછા ભૂરા પથ્થરનું, નીચેથી પાંચ ફૂટ પહોળું અને બે ફૂટ ઊંચુ છે. અહીં જયોર્તિલિંગ પર ઘી ચોપડવાનો મોટો મહિમા છે. કહેવાય છે કે આ મંદિર પાંડવોએ બંધાવ્યું હતુ. હાલનું મંદિર આધ્ય શંકરાચાર્ય મહારાજે પુનરૂદ્ધાર કરીને બંધાવ્યું હતું અને અહીં દેહત્યાગ કર્યો હતો. મંદિરની બરાબર પાછળ શંકરાચાર્ય મહારાજની સમાધિ આવેલ છે. અહીં ગાંધી સરોવર આવેલ છે જે મંદાકિની નદીનું ઉદ્ગમ સ્થાન છે.

આ મંદિર યાત્રિકો માટે મે થી ઓકટોબર સુધી જ ખુલ્લું રહે છે. શિયાળામાં નવેમ્બરથી એપ્રિલ સુધી આ સમગ્ર વિસ્તાર પુષ્કળ બરફથી છવાયેલો રહે છે. તેથી આ સમય દરમિયાન મંદિર બંધ રહે છે. અને કેદારનાથ મહાદેવની ચલમૂર્તિ ઉખીમઠ લાવીને તેનું અહીં પૂજન થાય છે.

Zazi.com © 2009 . All right reserved feed-image Feed Entries