ત્યાં સુધી. છાપો
ઉપભોક્તાઓનુ મુલ્યાંકન: / 0
બેકારશ્રેષ્ઠ 
યાયાવર - ઓગસ્ટ - 2013
આના લેખક છે ચિરાગ ઝા “ઝાઝી”   
રવિવાર, 18 ઓગસ્ટ 2013 02:02
Share

થોડી ઘણી પરખાય ત્યાં સુધી,
બસ વારતા વરતાય ત્યાં સુધી.

આંખો મને લાગે બનાવટી,
શબ્દો બધા તરડાય ત્યાં સુધી.

મન, લાગણીનું છીછરાપણું,
છાલક બની ખરડાય ત્યાં સુધી.

બાળક બની રમતો રહે પિતા,
પુત્રને રમત સમજાય ત્યાં સુધી.

ગળપણ કદી ફાવે નહીં મને,
ને બોલવું અકળાય ત્યાં સુધી. .....ચિરાગ ઝા “ઝાઝી”


 

Share