Print
Parent Category: કવિતા
Category: મુશાયરો
Star InactiveStar InactiveStar InactiveStar InactiveStar Inactive
 


મારી નાડ તમારે હાથ હરિ સંભાળજો રે,
પ્યારા પોતાનો જાણીને, પ્રભુપદ પાળજો રે.

પથ્યાપથ્ય નથી સમજાતું, દુખ સદૈવ રહે ઊભરાતું,
મને હશે શું થાતું, નાથ નિહાળજો રે

અનાદિવૈધ આપ છો સાચા, કોઇ ઉપાય વિષે નહિ કાચા,
દિવસ રહયા છે ટાંચા,વેળા વળાવજો રે

વિશ્ર્વેશ્ર્વર શું હજી વિસારો, બાજી હાથ છતાં કાં હારો?
મહા મૂંઝારો મારો, નટવર ટાળજો રે

કેશવ હરી મારું શું થાશે? ઘાણ વળયો શું ગઢ ઘેરાશે,
લાજ તમારી જાશે,ભૂધર ભાળજો રે.