અનિર્ણિત શબ્દયુદ્ધ

વિભાગ

અતિથી દેવો ભવ:

અમારે 12 મહેમાનો ઓનલાઈન

રમુજ

ડૉ.: તમને ક્યારેય ન્યુમોનિયા થી તકલીફ થઈ છે ?
છોટૂભા: હાં
ડો : ક્યારે ?
છોટૂભા :- સ્કૂલ માં જ્યારે ટીચરે સ્પેલિંગ પૂછ્યો ત્યારે.

નવું શું?

સુચના

આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.

જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)

મદદ

ઘર

કવિતા

એપ્રિલ-2013

અનિર્ણિત શબ્દયુદ્ધ

યાયાવર - એપ્રિલ-2013

આના લેખક છે મુકેશ દવે

મંગળવાર, 09 એપ્રીલ 2013 17:20

રોજ રાત્રે
અધખૂલી આંખે
પથારીમાં પડુ છું
ને મન
શબ્દ-સંગ્રામગ્રસ્ત
થઈ જાય છે.
કેટલાંય શબ્દોનું આક્રમણ,
ઘડીક કતારબંધ ગોઠવાય
તો ફરી એકબીજાને હડસેલે,
કેટલાય ઘાયલ થાય,મરે
અને મેદાન છોડી ભાગે પણ ખરાં.
કલાકો સુધી ચાલે આ ઘમસાણ

અને હું
તંદ્રાઈ જાઉં
પછી નિંદ્રાઈ જાઉ.
વહેલી સવારે
મોબાઈલનો ઍલાર્મટોન સૂંઘીને
કાન મને જગાડે
મારી આંખો પર
શબ્દોના ક્ષિત-વિક્ષિત શબોના ઢગલાનું ભારણ હોય,
ચિત્તમાં શબ્દરક્તની નદીઓ વહેતી હોય,
તેને ખંખેરતો જાગુ છુ
ફરીથી રાત્રિનું
આ અનિર્ણિત ઘમસાણ જોવા.

- મુકેશ દવે
અમરેલી , ગુજરાત