Print
Parent Category: વિજ્ઞાન
Category: યંત્ર તંત્ર
Star InactiveStar InactiveStar InactiveStar InactiveStar Inactive
 

સાઉથ ઇસ્ટ હાઇસ્કુલ, બ્રેડેન્ટન, ફ્લોરીડામાં ૧૨મા ગ્રેડમાં, આઈ-બી સાથે અભ્યાસ કરતા  ડોક્ટર કીર્તિબેન અને એન્જીનીઅર વિજયભાઈ સોલંકી ના પુત્ર યાત્રિકે,  બાલ્ટીમોર ખાતે  ગત જુલાઈ માં યોજાયેલ ટીએસએ (ટેકનીકલ સ્ટુડન્ટસ એસોસીએશન) ની રાષ્ટ્રીય (અમેરિકા) કક્ષાની હરીફાઈમાં પ્રથમ વિજેતા બની 'નેશનલ ચેમ્પિયન'નું ટાઈટલ મેળવ્યું હતું.

હાલ સિંગાપોર માં યોજાયેલી વર્લ્ડ ફાઈનલ્સ માં દુનિયાભર માં થી આવેલી ૩૧ ટીમો સાથે તા. ૨૦,૨૧ અને ૨૨ દરમ્યાન, જાપાન, ચીન, જર્મની જેવા દેશો સાથે યાત્રિક સોલંકી અને તેની ટીમે તીવ્ર હરીફાઈ કરી હતી.

 

વર્લ્ડ ટાઈટલ અંગે છેવટની ઘડી સુધી રહસ્ય અકબંધ રહ્યું હતું. છેલ્લે જયારે તેઓની " UNITUS" ટીમને વિશ્વ વિજેતા જાહેર કરી ત્યારે ટીમના દરેક સભ્યોની આંખોમાં હર્ષોલ્લાસના આંશુ છલકાઈ રહ્યા હતા.
આ ઉપરાંત તેમની ટીમને " બેસ્ટ સ્પોન્સર એન્ડ માર્કેટિંગ " કેટેગરીમાં વર્લ્ડ ચેમ્પિયન શીપ મળી છે.

ગત વર્ષે  (૨૦૦૯)માં ડેન્વર,અમેરિકામાં  યોજાયેલ ટીએસએ  (ટેકનીકલ સ્ટુડન્ટસ એસોસીએશન) ની રાષ્ટ્રીય (અમેરિકા) કક્ષાની હરીફાઈમાં શ્રી યાત્રિક સોલંકીને વ્યક્તિગત રીતે ૧-ઇમેજિંગ ટેકનોલોજી અને
૨-આર્કિટેકચરલ મોડેલ એમ બે કેટેગરીમાં પ્રથમ પારિતોષિક મળ્યા હતા.

સિંગાપોરથી ટેલીફોન પર વાતચીત કરતા ૧૬ વર્ષના યાત્રીક્ભાઈ જણાવેછે કે ,



" અમારી સખત મહેનતનું આ પરિણામ છે. "

અમેરિકામાં રહેતા હોવા છતાં શુદ્ધ ગુજરાતીમાં વાત કરતા તેઓ કહે છે કે અમે ઘરમાં માત્ર ગુજરાતીમાંજ વાતચીત કરીએ છીએ. ઘરમાં અમોને બધાને ગુજરાતી વાંચતા અને લખતા પણ આવડે છે. ગુરુ પ્રમુખ સ્વામીમાં અખૂટ શ્રદ્ધા ધરાવતા આ અમેરિકન ટીનેજરે સિંગાપોરમાં તા.૧૯મી સપ્ટેમ્બરે આવેલી જલઝીલની એકાદશી નો નિર્જલા
ઉપવાસ કર્યો હતો.