અવસર પરિવાર , આપ સૌ પરિવારજનો ના આશીર્વાદ અને હેત ના સિંચન થી દિવસે દિવસે વિકસતો જાય  છે . એ આપણા  સમગ્ર પરિવાર માટે હર્ષ ની વાત છે , પણ વધુ હરખ એ વાત નો છે કે આ વસંતે અવસર ના વૃક્ષ પર એક નવી કુંપળ ફુંટશે  . એ મ્હોરશે અને આપણને મ્હાલવાનું કારણ આપશે .

મિત્રો , છેલ્લા ઘણા સમય થી આપણે  અવસર ના ઓથારે ,કાવ્યો તથા ગઝલ ને "કાવ્યોત્સવ " ના માધ્યમ થી માણતા આવ્યા છીએ . અવસર પરિવાર એ ઉત્સવ ના આનંદ ને બમણો કરવા જઈ  રહ્યો છે .

અવસર પરિવાર એક એવા કાર્યક્રમ નું આયોજન કરવા જઈ  રહ્યો છે , જ્યાં  આપણે  દરેક વખતે માણીશું  જુદા જુદા કવિઓ ના સાનિધ્યને ,
કવિ પાસે થી જાણીશું એમની કવિતાઓ વિષે , કવિતા પ્રત્યેના અભિગમ અને એમની જીવની વિષે .

એક સિદ્ધહસ્ત કવિ , અને એમની માંહ્ય નો સામાન્ય માણસ , એ બે વચ્ચે ની સફર ક્યારેક એક કાવ્ય સ્વરૂપે કહી  શકાય ,ક્યારેક એક પંક્તિ માં વર્ણવાય તો ક્યારેક એને આખી નવલકથા નું સ્વરૂપ આપવું પડે,  અને એ કવિ ના જ  સ્વ-મુખે સંભાળવા મળે તો ....! એના થી રૂડું બીજું કઈ ના હોય એમજ ને ? 
દર બે  અથવા ત્રણ મહિના ના અંતરાલે સિદ્ધહસ્ત કવિ ને અવસર ના આંગણે આમંત્રિત કરી , કવિતા ના  તમામ ચાહક તથા ઉપાસક વર્ગ ની સમક્ષ રજુ કરવાનો એક અનેરો પ્રસંગ થશે .
આ વિચારો નો સમન્વય ,નવોદિત કવિ માટે માર્ગદર્શન બની રહેશે તો કોઈ માટે સ્વયમ ને મઠારવા ની માહિતી . અને હા ... જે તે કવિ ના કાવ્યો નો આસ્વાદ તો માણીશું  જ માણીશું  .
આ ઉપક્રમ નું નામ "અવસર-કાવ્ય ગોષ્ઠી" રાખી શકાય એવો એક પ્રાથમિક વિચાર છે (સૂચનો આવકાર્ય).

અવસર નો આગામી કાવ્યોત્સવ :
એક એવું  મંચ કે જ્યાં તમામ નવોદિત તથા સિદ્ધહસ્ત કવિ પોતાની રચનાઓ નો આસ્વાદ કરાવી શકે છે અને રસિક જનો એ  માણવા  આવી શકે છે

3 માર્ચ , રવિવારે  સાંજે 5:00 વાગે

અક્ષર પ્રાથમિક શાળા, શ્રી નગર સોસાયટી ,કેશવબાગ વાડી ના સામે,નવા વાડજ સ્નાનાઘર પાસે,નવાવાડજ - 380013

આ કાવ્યોત્સવ માં આપણા  નવા ઉપક્રમ 'કાવ્ય-ગોષ્ઠી ' ના વિચાર ને પણ આખરી ઓપ આપવાનો હોઈ ,
તમામ પરિવારજનો ને સૂચનો અને મંતવ્યો સમેત  પધારવા ભાવ-ભર્યું  નિમંત્રણ છે .

વધુ માહિતી માટે સંપર્ક:

પાર્થ શર્મા :- 8905184172,

તાહા મન્સૂરી - 9924623249