વિભાગ

સુચના

આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.

જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)

અતિથી દેવો ભવ:

We have 45 guests and no members online

મદદ

 


 



રમુજ

તમારા પતિ તો તંદુરસ્ત હતા, એકાએક?

હા, એવું બન્યું કે અમે સૌ જમવા બેઠા હતા, ત્યાં અચાનક એને મરચાં યાદ આવ્યા. પાછળની વાડીમાં તે મરચાં તોડવા ગયા, ત્યાં તેને સર્પ કરડયો.

હેં પછી તમે શું કર્યુ?

મરચાં વિના ચલાવ્યું, બીજું શું થાય?

હરનિશ જાની

Harnish  Jani
4 Pleasant Drive,
Yardville, NJ 08620
E mail- This email address is being protected from spambots. You need JavaScript enabled to view it.
Phone-609-585-0861

Star InactiveStar InactiveStar InactiveStar InactiveStar Inactive

૧લી મે ૨૦૧૧ની રાતે બરાબર સાડા અગિયારે અમેરિકાના રાષ્ટ્રપ્રમુખ ઓબામા ટીવી પર આવ્યા અને સમાચાર આપ્યા કે બિન લાદેનને અમેરિકન નેવી સીલ યુનિટે કચડી નાખ્યો છે. દસ વરસથી ચાલતી સંતાકુકડીની રમત પૂરી થઈ છે. એમને ખબર નહોતી કે ખરી રમત તો હવે ચાલુ થશે. અને ખરે જ ઇન્ટરનેટ પર ખરાખરીની રમત ચાલુ થઈ ગઈ છે. હજુ પ્રે. ઓબામાને બોલ્યે ચોવીસ કલાક થયા નથી અને દુનિયા આખીના મગજમાં જાતજાતના તરંગો પેદા થવા માંડ્યા. જગતને અમેરિકાની કોઈ વાતમાં વિશ્વાસ જ નથી. વિશ્વાસ હોય તો તે એક જ કે જ્યારે દુનિયામાં ક્યાંય કોઈ ખરાબ પ્રસંગ બને ત્યારે લોકો વિશ્વાસપૂર્વક કહેશે : ‘આ અમેરિકાએ કરાવ્યું. જરૂર આમાં અમેરિકાનો હાથ છે.’ પછી તે મલ્લિકા શેરાવતના વસ્ત્રાહરણનો પ્રસંગ હોય કે વર્લ્ડ કપમાં પાકિસ્તાનની હારનો હોય. મને વડોદરામાં એક પીએચ.ડી. સાયન્ટીસ્ટભાઈ મળ્યા. તેમણે કહ્યું કે, ‘વડોદરામાં પોલ્યુઝન શા માટે વધારે છે-તે ખબર છે ? અમેરિકન રૉકેટો અંતરીક્ષમાં ફૂટે છે અને વડોદરાની હવા બગાડી પોલ્યુઝન પેદા કરે છે.’ જો તમે બિન લાદેનને ખરેખર માર્યો હોય તો બતાવો સાબિતી. બતાવો મૃતદેહ. તેનો મૃતદેહ હતો તો દરિયામાં કેમ પધરાવી દીધો ? તમે જો એમ માનતા હો કે એ મૃતદેહની દરગાહ, અલ કાયદા બનાવી દે તો ! તો અમેરિકાની ત્યાં જ ભૂલ થાય છે. આ જે મેન્સનમાં બિન લાદેનને ગોળીઓ મારી છે તે બિલ્ડિંગની પૂજા થશે. અને નવો ટૅરરિસ્ટ ધંધાની શરૂઆત કરતાં પહેલાં અહીં પૂજા–અર્ચના કરવા આવશે અને સફળતા માટે માનતાયે માનશે.

આ બાજુ ભારતીય ન્યૂઝ એજન્સીઓ તૂટી પડી કે તમે કયા દરિયામાં પધરાવ્યો ? ઇન્ડિયન ઓશનમાં તો નથી પધરાવ્યોને ! ઇન્ડિયન ટીવી ચેનલોને તો જલસા જ થઈ ગયા ! ‘જો એ પાકિસ્તાનમાં રહેતો હતો તો ત્યાંની સરકારનો એને સપોર્ટ હશે જ. શું તમને એ વાતની પહેલાં ખબર નહોતી ? તો પછી પાકિસ્તાનને પૈસા કેમ આપતા હતા ? પાકિસ્તાનને મદદ તો કરો છો અને એ લોકો અમેરિકાનું કામ તો કરતાં નથી. તમારા ૨૦૦ કરોડ ડૉલર પડી ગયાને !’ અમદાવાદનો રિક્સાવાળો પણ કહે કે આ અમેરિકા મૂરખ છે. લુચ્ચા પાકિસ્તાનીઓને મદદ કરે છે અને ભારતને નહીં. અમેરિકાનો ઈતિહાસ જુઓ તો પાકિસ્તાનની સ્થાપના પછી દરેકે દરેક અમેરિકી પ્રેસિડન્ટે પાકિસ્તાનને પંપાળ્યું છે. આપણને લાગે કે અમેરિકાએ જ બ્રિટન પાસે ભારતના ભાગલા પડાવ્યા હશે. અમેરિકાએ જ દરેકેદરેક પાકિસ્તાન પ્રેસિડન્ટને ગાદીએ બેસાડ્યા છે અને ઉઠાડ્યા છે. ભારતને મદદ કરવામાં માલ નહીં. ભારતમાં કેટલા લોકોને લાંચ આપવી પડે ? અને લાંચ આપ્યા પછી પણ કામ થશે કે નહીં તેની ગેરંટી પણ નહીં- (એનરોન નામની અમેરિકી કંપની પાસેથી મહારાષ્ટ્ર રાજ્યમાં, ઈલેક્ટ્રિક પલાંટ નાખવાના, દસ વરસમાં ત્રણ ત્રણ જુદા જુદા પક્ષોની સરકારોના પ્રધાનોએ કરોડોની લાંચ લીધી છે. છેવટે એનરોનને બેસાડ્યું.) અમેરિકાને ખબર છે કે ભારતમાં દરેકેદરેક પક્ષ ખાઉધરો છે. જ્યારે અહીં તો પાક. પ્રમુખને અને તેના આર્મીના મળતિયાઓને જ ખુશ

Star InactiveStar InactiveStar InactiveStar InactiveStar Inactive

જુની ફિલ્મ ‘દેવદાસ’ માં એક સીન હતો. જેમાં દેવદાસના પિતાનું મૃત્યુ થાય છે. દેવદાસ દુખભરેલા ચહેરે બહાર ઓટલા પર બેઠો હોય છે. દુરથી ખોટું ખોટું રડતા લોકો દેવદાસને સાંત્વના આપવા આવે છે. દીલીપકુમારની ઍકટીંગ છે. હાથનો અંગુઠો દેખાડીને રડતા લોકોને ઈશારો કરે છે કે અંદર જઈ મારા કુટુંબીઓ આગળ રડો. વાહ! શી ઍકટીંગ હતી! મારા દીલમાં દીલીપકુમારની અદા છવાઈ ગઈ. ત્યારે જ નક્કી કરી નાખ્યું કે મારા બાપુજીનું મૃત્યુ થશે ત્યારે દેવદાસની જેમ ગુમસમ બનીને દીલીપકુમારની ઍકટીંગ કરીશ. ત્યારે હું બાર વરસનો હતો. મારા બાપુજીનું મૃત્યુ થયું ત્યારે હું સત્તાવીસનો હતો. તેમના મૃત્યુ પ્રસંગે નહોતો યાદ આવ્યો દેવદાસ કે નહોતી યાદ આવી દીલીપકુમારની ઍકટીંગ. બાને બાઝીને કંઈ રડ્યો છું! નાનાં ભાઈ-બહેનોને બાઝી બાઝીને રડયો છું! જે શરીરને બાઝીને મોટો થયો હતો એ શરીરને અગ્ની ચાંપવો સહેલો નહોતો. બાપનું મૃત્યુ એવું કારમું હતું કે જીવનમાં તે પછીનાં કોઈ પણ મૃત્યુ અસર થઈ નથી.

આપમે ત્યાં છોકરીઓ ઘર ઘર રમતી હોય ત્યારે ઢીંગલીઓમાંથી એક ઢીંગલીને મમ્મી અને એક ઢીંગલાને પપ્પા બનાવશે. ઢીંગલીને નવડાવશે. કપડાં પહેરાવશે.ખોટું ખોટું મેક-અપ કરશે. જયારે ઢીંગલીને ઑફિસ મોકલી દેશે ત્યારે તેને ખુરશી નીચે કોઈ ખુણામાં ખોસી દેશે. મમ્મીની સાથે રમશે. મમ્મીને લઈને પાડોશની ઢીંગલીને ત્યાં મળવા જશે. મારી બહેન તીલોતમા તો ગાતી : ‘માર સપાટો, તારો ઢીંગલો મુઓ!’  આપણાં કુટુંબમાં પિતાનો રોલ પડદા પાછળ રહે છે. માતા આંખ સમક્ષ હોય છે. બાળકો નાના હોય છે. ત્યારે પપ્પા તેમને માટે મીસ્ટ્રી મૅન- સુપર મૅન કે રહસ્ય પુરુષ હોય છે. પરંતુ જેમ જેમ ઉંમર વધે છે તેમ તેમ પપ્પા સમજાય છે. કવીઓને ભલે માતામાં ભગવાનની સુરત દેખાતી હોય. પરંતુ કોઈ પિતાના ‘કાળજા કેરા ટુકડા સમ દીકરી’ ને માટે પિતા પ્રભુથી વિશેષ હોય છે.

Star InactiveStar InactiveStar InactiveStar InactiveStar Inactive

દર્શને, પોતાના પિતા ગોપાલભાઈને કહ્યું, ‘‘બાપુજી, સાહેબને તમારો પાસપોર્ટ બતાવો.’’ બાપુજી કોટના ખિસ્સામાં ફાંફાં મારવા લાગ્યા. બાપુજીને પાસપોર્ટ હાથ લાગતો નહોતો. અને દર્શન ભારપૂર્વક બોલ્યો, ‘‘મેં તમને થોડા વખત પહેલાં તો આપ્યો હતો !" દર્શનનો ગુસ્સો સમજી શકાય તેમ હતો. લાઈનમાં તેમની પાછળના લોકો હવે ઊંચા– નીચા થતા હતા.

દર્શન અને તેના બાપુજી અમેરિકા જતા હતા. તેઓ અમદાવાદના એરપોર્ટ પર ઇમિગ્રેશનની લાઈનમાં ઊભા હતા. હવે વાત એમ હતી કે બેટા દર્શનને બાપુજી ગોપાલભાઈને અમેરિકા લઈ જવા હતા અને બાપુજીને જવું નહોતું. આમ જોઈએ તો આ મુશ્કેલી બે પેઢીઓ વચ્ચે આજકાલ બહુ દેખાય છે. માબાપ અને છોકરાંઓ વચ્ચેના પ્રેમમાં, અમેરિકા-ઓસ્ટ્રેલિયા ટપકી પડે છે !

ગોપાલભાઈ જાતે અને ધન્ધે સોની હતા. મૂળ નાનકડા રાજપીપળા ગામમાં સોનીની દુકાન હતી. ગોપાલભાઈએ વરસોથી ચાલતો આવતો બાપદાદાનો ધન્ધો ચાલુ રાખ્યો હતો. તેઓ રજવાડાના પણ સોની હતા. એટલે વડવાઓની મિલકત પણ હતી. ગોપાલભાઈની આવક પણ સારી રહેતી. તેમણે પોતાના બે દીકરાઓને પણ વડોદરાની યુનિવર્સિટીમાં ભણાવ્યા હતા. મોટો દર્શન આર્કિટૅક્ટ થયો હતો અને નાનો આશિષ સિવિલ એંજિનિયર થયો હતો. ગોપાલભાઈ અને એમનાં પત્ની ભાનુબહેનની હમ્મેશાં એવી ઇચ્છા

Star InactiveStar InactiveStar InactiveStar InactiveStar Inactive

આજથી વીસ દિવસ પછી, 20 જાન્યુઆરી 2009ના દિને, અમેરિકાના ચુંટાયેલા પ્રમુખ ઓબામા વ્હાઈટ હાઉસમાં પ્રવેશ કરશે. જગત આખું એ ક્ષણની રાહ જુએ છે. પરંતુ ઓબામા એ ક્ષણની રાહ નથી જોતા. એમનાં સાસુમા પહેલે દવસથી પોતાની દિકરી અને જમાઈ સાથે વ્હાઈટ હાઉસમાં રહેવા જવાનાં છે. જમાઈ અને દિકરીને નવા ઘરનો જેટલો આનંદ છે તેથી વધુ સાસુમાને છે! ઓબામા ફેમિલી સાથે જયારે નવું ઘર જોવા પહેલી વાર આવ્યા હતા, ત્યારે કારમાંથી કૂદકો મારીને સાસુમા પહેલાં ઉતર્યાં હતાં અને વ્હાઈટ હાઉસના પ્રોટોકૉલનો ભાંગરો વાટ્યો હતો. તેમણે જાહેર કરી દીધું છે કે, જમાઈ સવારની પહેલી કૉફી તો પોતાના હાથની જ પીએ છે. જમાઈને પોતાના હાથની ઈન્ડોનેશિયન સ્ટાઈલ બિરિયાની બહુ ભાવે છે અને તે અડધી રાતે પણ તે પ્રેમથી બનાવી શકે. બની શકે કે તેથી તેમણે જમાઈ જોડે વ્હાઈટ હાઉસમાં જ રહેવાનું નકકી કર્યુ હોય.

Star InactiveStar InactiveStar InactiveStar InactiveStar Inactive

એક ઉખાણું - જગતનો એવો કયો દેશ હશે કે જેના પ્રમુખ ક્રિશ્ચિયન હોય અને તેણે કુરાન પણ વાંચેલું હોય-ભણેલા હોય અને ગજવામાં ‘ગુડલક’ માટે હનુમાનજીની મૂર્તિ રાખતા હોય ? જેની માતા શ્વેત અમેરિકન હોય અને બાપ અશ્વેત આફ્રિકન હોય ? પ્રાથમિક અભ્યાસ ઈન્ડોનેશિયામાં કર્યો હોય અને કૉલેજ અમેરિકામાં કરી હોય ?

મારા અને તમારા જીવન દરમિયાન, અમેરિકામાં એક અદ્ ભુત ઘટના બની રહી છે. લોકો કહે છે કે ઈતિહાસ રચાઈ રહયો છે. મારા મુસ્લિમ મિત્ર કહે છે કે ઓબામાને અલ્લાહે મોકલ્યો છે. હું કહું છું કે "સંભવામિ યુગે યુગે" આ તો અમેરિકન નૃસિંહાવતાર છે !

Zazi.com © 2009 . All right reserved feed-image Feed Entries