આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.
જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)
- You are here:
-
ઘર
-
કવિતા
-
ડિસેમ્બર 2012
- માણસ છે એ
માણસ છે એ
- Details
- Written by .ચિરાગ ઝા “ઝાઝી”
- Parent Category: યાયાવર
- Category: ડિસેમ્બર 2012
માણસ છે એ જીભાજોડી તો કરવાનો!
એકલપંડી જિવ્હાથી થોડી રમવાનો?
ધારીલો કે મેં ધારા ધોરણ તોડ્યા છે!
ને જો તોડ્યા છે તો કોનાથી ડરવાનો?
પ્રેમી પાગલ થઈ બેઠો છે ઘરની સામે
ને દરવાજે ઊભા થાકેલા દરવાનો!
પડદો પડશે, લોકો ઊભા થઈને જોશે!
શું માશૂકાને મોકો મળશે મળવાનો?
ખુદથી રીસાઈ ને ભાગી રહ્યો છે જે!
ક્યારે એ પોતાનું થોડું સાંભળવાનો?
મોકાની ઇંતેજારી આળસ માનો!, તો
ધીરજની વાતોમાં કોને રસ પડવાનો?
આથમતો સૂરજ કોને ગમશે રંગુનનો?
બુલબુલ થઈ શું ભારતભરમાં એ ઉડવાનો?
આંખોથી સાંભળનારા મોંઢાથી મૂંગા!
રવ કોના કાને પડશે મારા રડવાનો?
અપરાધી થઈ ઊભો છું, મરજી છે મારી!
તારો હૂકમ તો ઝાઝીને કરગરવાનો!
- ચિરાગ ઝા “ઝાઝી”
(છંદ: ગાગા ગાગા ગાગા ગાગા ગાગા ગાગા)
સોમવાર, 17 ડિસેમ્બર 2012
Read more...