આજે ગુજરાત દિવસના પાવન અવસર પર આપને જણાવતા આનંદ થાય છે કે ઝાઝી.કોમ હવે યુનીકોડ ફોન્ટ માં ઉપલબ્ધ છે.
જુના વેબપેજ માટે અહીં કલીલ કરો….. (હિતાથૅ ફોન્ટ હોવા જરુરી છે.)
ડિસેમ્બર 2012
એકાંત મળ્યું,
- Details
- Written by કિંજલ્ક વૈદ્ય
- Parent Category: યાયાવર
- Category: ડિસેમ્બર 2012
સુખ તો ઉછાંછળું નિતાંત મળ્યું,
ભાગ્યમાં દુ:ખ પીઢ ને શાંત મળ્યું,
કોરી ધાકોડ રહી આંખ અને --,
ભીતરે જીવતરનું એકાંત મળ્યું,
ક્ષણ બે ક્ષણનો જ હતો સાથ છતાં,
જીવવાનું બળ આમરણાંત મળ્યું,
Read more: એકાંત મળ્યું, Add new comment
માણસ છે એ
- Details
- Written by .ચિરાગ ઝા “ઝાઝી”
- Parent Category: યાયાવર
- Category: ડિસેમ્બર 2012
માણસ છે એ જીભાજોડી તો કરવાનો!
એકલપંડી જિવ્હાથી થોડી રમવાનો?
ધારીલો કે મેં ધારા ધોરણ તોડ્યા છે!
ને જો તોડ્યા છે તો કોનાથી ડરવાનો?
પ્રેમી પાગલ થઈ બેઠો છે ઘરની સામે
ને દરવાજે ઊભા થાકેલા દરવાનો!
ચાલો મળીને જોઇએ,
- Details
- Written by જૈમિન ઠક્કર “પથિક”
- Parent Category: યાયાવર
- Category: ડિસેમ્બર 2012
કોઇપણ કારણ વિના ચાલો મળીને જોઇએ,
દૂધમાં સાકર ભળે એમજ ભળીને જોઇએ.
જિન્દગાનીમાં કશે નફરત સમું દેખાય છે,
ચલ પ્રણયમાં આપણે પણ ઓગળીને જોઇએ.
સૂર્ય સળગીને જગત પર રાજ કરતો હોય છે,
આપણે પણ મીણ માફક પીગળીને જોઇએ.
શંકર - શંકર
- Details
- Written by મેહુલ એ ભટ્ટ
- Parent Category: યાયાવર
- Category: ડિસેમ્બર 2012
ધબકારા છે ઉપ્પર - ઉપ્પર,
ભીતર ભીતર પથ્થર- પથ્થર !
ઉજળાં તન ને ઉજળાં વસ્તર,
મન તો કાળું ભમ્મર - ભમ્મર !
ભેટી પડવા તત્પર- તત્પર,
હાથે - હાથે ખંજર - ખંજર !
હણહણવાંની રમત્યું રમતાં,
મ્હોરા પ્હેરી ખચ્ચર - ખચ્ચર !
ખોટી વાત્યું બોદી બોલે,
સાચો પડઘો નક્કર- નક્કર !
દીધેલું જ મળે છે પાછું ,
ધરતી ફરતી ચક્કર - ચક્કર !
ટીપું ઝેર નિહાળી શોધે ,
ક્યાં છે ? ક્યાં છે ? શંકર - શંકર ?
- મેહુલ એ ભટ્ટ , આદિપૂર
આ આખરી દીદાર છે
- Details
- Written by મુહમ્મદઅલી વફા
- Parent Category: યાયાવર
- Category: ડિસેમ્બર 2012
આ આંખ અશ્રુ ધાર છે
ભીના કફનના તાર છે
ને મૌનની દીવાર છે
ક્યાં તે હવે રણકાર છે
આ આખરી દીદાર છે
દિલ મોત પર તારા રડે
ને અશ્રુનાં જામો ભરે
બસ યાદના દીપક જલે
જો મોતનો અસવાર છે
આઆખરી દીદાર છે
