રીત કે રસમ ન ટકે ખાલી રોકટોકથી,
ને રિવાજ પણ ન તૂટે માત્ર તોડફોડથી.

થાય છે બધા જ વ્યથિત ક્ષુદ્ર રોગદોગથી,
મુક્ત પણ થઈ ન શકે વ્યર્થ રોણજોણથી.

સંત્રી, મંત્રી, સાધુ, ફકીર સૌ તુલા ઉપર ચડે,
પર સદાવ્રતોય નથી સ્થૂળ મોલતોલથી.

સામ, દામ, દંડ કશું કારગર ન નીવડે,
કામ-કાજ કાઢી જ સૌ લે છે ઓટકોટથી.

સેળભેળ કેવી રગેરગમાં ઓગળી ગઈ,
દી'એ દાળભાતથી ને રાતે હોચપોચથી.

ડાબલા હટાવી કદી આજુબાજુ પણ જુઓ,
થઈ ન જાવ ગાડરિયા જોજો! ઓતપ્રોતથી!

લંડન , યુ.કે
૨૫-૧૨-૨૦૧૧